સ્વચ્છતા એવોર્ડ 2024: અમદાવાદ ટોચના શહેરોમાં સ્થાન મેળવશે?

દિલ્હીના રાષ્ટ્રપતિ ભવન ખાતે ગુરુવાર, તારીખ 18 જુલાઈના રોજ યોજાનારા ભવ્ય સમારંભમાં રાષ્ટ્રપતિ શ્રીમતી દ્રૌપદી મૂર્મુના હસ્તે દેશના સર્વોચ્ચ સ્વચ્છ શહેરોને સ્વચ્છતા એવોર્ડ આપવામાં આવશે. મળતી માહિતી મુજબ આ યાદીમાં અમદાવાદનું સ્થાન ટોચના ત્રણ શહેરોમાં હોવાનું માનવામાં આવી રહ્યું છે. અત્યાર સુધીમાં શહેરની અનેક સફાઈ પહેલ, વેસ્ટ મેનેજમેન્ટ મોડલ અને નાગરિકો સાથેની લોકભાગીદારીને કારણે અમદાવાદને આ સન્માન મળવાની શકયતા વધી છે.

સ્વચ્છતા એવોર્ડ 2024: તજવીજ પૂર્ણ, લાઈવ ટેલિકાસ્ટનું આયોજન

એવોર્ડ સમારંભ માટે અમદાવાદ મ્યુનિસિપલ કોર્પોરેશનના કમિશનર, મેયર, ડેપ્યુટી મેયર, સ્ટેન્ડિંગ કમિટી ચેરમેન સહિત અનેક અધિકારીઓ દિલ્હીની મુલાકાતે પહોંચ્યા છે. ખાસ વાત એ છે કે એવોર્ડ સમારંભનું જીવંત પ્રસારણ શહેરની તમામ ઝોનલ ઓફિસોમાં પણ કરાશે, જેથી શહેરવાસીઓ અને કર્મચારીઓ આ ગૌરવની ક્ષણનો સાક્ષી બની શકે.

અગાઉનું પ્રદર્શન અને નવી સફળતા

સ્વચ્છતા સર્વેક્ષણ અગાઉ બે કેટેગરીમાં થતું હતું – 10 લાખથી વધુ વસતી ધરાવતા અને ઓછી વસતી ધરાવતા શહેરો. ત્યારે અમદાવાદ ત્રીજા ક્રમે રહ્યું હતું. જોકે, બાદમાં તમામ શહેરોને એક જ કેટેગરીમાં મૂકી દેવાયા પછી, અમદાવાદનો ક્રમ 7મો થઈ ગયો હતો. પણ આ વર્ષે થયેલા સુધારાઓ અને વિવિધ મિશનોના કારણે શહેર ફરી ટોચની દાવેદારીમાં છે.

આ પ્રકારની પહેલને મળ્યું મહત્ત્વ

1. વેસ્ટ ટુ એનર્જી પ્લાન્ટ – શહેરમાં કચરાને ઊર્જામાં ફેરવવાના અભ્યાસને વિશેષ ધ્યાનમાં લેવામાં આવ્યું છે.

2. લોકભાગીદારી – નાગરિકો, સ્કૂલો, એનજીઓ અને રેસિડેન્શિયલ સોસાયટીઓની સહભાગિતાને અગત્યનું માનવામાં આવ્યું છે.

3. પ્રમાણભૂત સફાઈ – માત્ર મુખ્ય માર્ગો નહીં, દરેક વિસ્તારની અંદર સુધી સફાઈ રાખવામાં ખાસ ભાર મૂકાયો છે.

4. દંડ અને સીસીટીવી – ગંદકી કરનાર સામે દંડની કાર્યવાહી અને સાફ સફાઈ માટે સીસીટીવીનો ઉપયોગ પણ માપદંડ રહ્યો છે.

5. મહામૂલી ઇવેન્ટોમાં સફાઈ વ્યવસ્થા – વર્લ્ડ કપ ફાઇનલ, કોલ્ડપ્લે કન્સર્ટ અને આઈપીએલ ફાઇનલ જેવી મેગા ઇવેન્ટ્સ દરમિયાન શહેરની સ્વચ્છતા અને વેસ્ટ મેનેજમેન્ટને શ્રેષ્ઠ રીતે હેન્ડલ કરાયું.

સ્વચ્છતા સર્વેક્ષણ RRR થીમ હેઠળની પહેલ

સ્વચ્છતા સર્વેક્ષણ 2024ની થીમ “Reduce, Reuse, Recycle (RRR)” રાખવામાં આવી હતી. AMC દ્વારા દરેક ઝોનમાં RRR વાન કાર્યરત કરવામાં આવી છે. આ વાહનો જુના કપડાં, રમકડાં, ફર્નિચર, ચોપડીઓ જેવી વસ્તુઓ એકત્ર કરે છે અને જરૂરિયાતમંદોને પહોંચાડે છે અથવા રિસાયકલ માટે મોકલે છે. આ પહેલ પણ AMCને રાષ્ટ્રીય પાટપર સન્માન તરફ લઈ જતી મહત્ત્વની યાત્રાનો ભાગ બની છે.

‘દત્તક શહેર’ પહેલ પણ થશે અમલમાં

વિશ્વસનીય સૂત્રો મુજબ, જે શહેરો ટોચના સ્થાને રહેશે તે શહેરોને સરકાર દ્વારા અન્ય શહેરોને ‘દત્તક’ લેવાની જવાબદારી આપવામાં આવશે. આનો ઉદ્દેશ્ય સ્વચ્છતા મોડેલનું ટ્રાન્સફર કરવું અને દેશભરના નગરપાલિકાઓ વચ્ચે અનુભવ અને તાલીમની વિનિમય પ્રક્રિયા શરૂ કરવી છે.

સમારંભના ભાગરૂપે નવી શરૂઆતની આશા

સરકાર દ્વારા ગુરુવારે યોજાનારા સમારંભમાં નવી યોજનાઓ અને અભિગમોની જાહેરાત પણ થશે. મહત્વની વાત એ છે કે હવે સ્વચ્છતા માત્ર એક કાર્યક્રમ નથી રહી, તે લોકચળવળ બની ગઈ છે અને અમદાવાદ એનો શ્રેષ્ઠ ઉદાહરણ બની રહ્યું છે.