AB Plus News
BREAKING NEWS
તાજા સમાચાર

ક્રાઇમબ્રાંચ નો મોટો પરદાફાશ: 14 મહિલા બુટલેગરો દારૂ સાથે ઝડપાઈ

ક્રાઇમબ્રાંચ
Share

અમદાવાદ ક્રાઇમબ્રાંચ ના માધુપુરા પોલીસની હદમાંથી 14 મહિલા બુટલેગરોને દારૂ તથા બિયરની કુલ 889 બોટલ સાથે ઝડપી પાડીને મોટો પરદાફાશ કર્યો છે. એક સાથે આટલી મોટી સંખ્યામાં મહિલા બુટલેગરોની ધરપકડનો આ પ્રથમ બનાવ છે.

ક્રાઇમબ્રાંચ ના ઇન્સ્પેક્ટર મેહુલ ચૌહાણને મળેલી માહિતીના આધારે, પોલીસે માધુપુરા વિસ્તારમાં રેડ કરી હતી. તપાસમાં ખુલ્યું કે આ તમામ મહિલા બુટલેગરો અમદાવાદના કાગડાપીઠની રહેવાસી છે અને તેઓ રાજસ્થાનથી દારૂ લાવી અમદાવાદમાં વેચાણ કરતા હતા.

ક્રાઇમબ્રાંચ

પોલીસના અનુસાર, આ મહિલાઓ બસ અને ટ્રેન દ્વારા વારંવાર રાજસ્થાન જઈ દારૂનો જથ્થો છુપાવી લાવતી હતી. તેમનો ધંધો લાંબા સમયથી ચાલી રહ્યો હોવા છતાં સ્થાનિક પોલીસ અજાણ હતી. કાગડાપીઠ અને કંટોળીયાવાસ જેવા વિસ્તારોમાં દારૂનું વેચાણ કરવામાં આવતા હોવાની જાણકારી સામે આવી છે.

આ ધરપકડમાં પોલીસ દ્વારા મંજુ ચુનારા, મારિયા મન્સૂરી, સુનિતા ચુનારા, અનિતા ચુનારા, રોશની ચુનારા, ગીતા ચુનારા, આશા ચુનારા, જાગૃતિ ચુનારા, કવિતા ચુનારા, ભગવતી ચુનારા, ઊર્મિલા ચુનારા, રિદ્ધિ ચુનારા અને રજની ચુનારા નામની મહિલાઓને ઝડપી લેવામાં આવી છે.

ક્રાઇમબ્રાંચે સમગ્ર મામલે ગુનો નોંધી વધુ તપાસ શરૂ કરી છે. આ કાર્યવાહીથી દારૂના ગેરકાયદેસર ધંધા પર પોલીસની સજાગતા અને કડક કાર્યવાહી પ્રત્યેનો સંદેશો પહોંચ્યો છે.

 

વધુ સમાચાર વાંચો :

AMC નું 14,001 કરોડનું બજેટ: 36 થીમ આધારિત રોડ વિકાસની યોજના

https://abplusnews.com/amcs-budget-of-rs-14001-crore/

https://www.youtube.com/watch?v=LcXbk9gmW40


Share

Related posts

સુરત જિલ્લામાં યાર્ન ફેક્ટરીમાં ભીષણ આગ, 40 કામદારો સલામત

abplusnews

PMની વર્ચ્યુઅલ અધ્યક્ષતામાં દેશમાં ૬૫ લાખ સ્વામીત્વ કાર્ડનું વિતરણ

abplusnews

કેરળ માં એક જ પરિવારના છ સભ્યોની નૃશંસ હત્યા, યુવકે કર્યો આત્મસમર્પણ

abplusnews

Leave a Comment