ગાંધીનગર: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા 5 મે 2025ના રોજ સવારે 10:30 વાગ્યે ધોરણ 12 (સાયન્સ, સામાન્ય અને અન્ય પ્રવાહો) તેમજ GUJCET 2025ના પરિણામો જાહેર કરવામાં આવ્યા છે. વિદ્યાર્થીઓ પોતાનું પરિણામ બોર્ડની અધિકૃત વેબસાઇટ www.gseb.org પર સીટ નંબર દ્વારા જોઈ શકે છે. આ ઉપરાંત વિદ્યાર્થીઓ માટે વિશેષ સુવિધા રૂપે વોટ્સએપ નંબર 6357300971 પણ ઉપલબ્ધ કરાવવામાં આવ્યો છે, જેમાં સીધા પરિણામ મેળવવા માટે માત્ર સીટ નંબર મોકલવો પડશે.
આ વર્ષે ધોરણ 12ની બોર્ડ પરીક્ષાઓ ફેબ્રુઆરી-માર્ચ 2025 દરમિયાન યોજાઈ હતી અને અગાઉની તુલનામાં પરિણામ વહેલું જાહેર કરવામાં આવ્યું છે. વર્ષ 2024માં ધોરણ 12નું પરિણામ 9 મેના રોજ જાહેર થયું હતું, જ્યારે આ વર્ષે તે 5 મેના રોજ જાહેર થયું છે.
વિદ્યાર્થી નોંધણી વિગતો:
ધોરણ 12 સામાન્ય પ્રવાહમાં કુલ 4,23,909 વિદ્યાર્થીઓએ નોંધણી કરાવી છે. જેમાં:
-
નિયમિત વિદ્યાર્થી: 3,64,859
-
રીપીટર વિદ્યાર્થી: 22,652
-
આઇસોલેટેડ: 4,031
-
ખાનગી: 24,061
-
ખાનગી રીપીટર: 8,306
ધોરણ 12 વિજ્ઞાન પ્રવાહમાં કુલ 1,11,384 વિદ્યાર્થીઓએ ભાગ લીધો છે. જેમાં:
-
નિયમિત વિદ્યાર્થી: 1,00,813
-
રીપીટર વિદ્યાર્થી: 10,476
-
આઇસોલેટેડ: 95
GUJCET 2025ની પરીક્ષાનું પરિણામ પણ આજે જ જાહેર થયું છે, જે ઇજનેરી અને અન્ય ટેકનિકલ પ્રવેશ માટે મહત્વપૂર્ણ છે.
માર્કશીટ અને પ્રમાણપત્રની માહિતી:
વિદ્યાર્થીઓની મૂળ માર્કશીટ, પ્રમાણપત્ર અને સ્કૂલ રજિસ્ટર (SR) બોર્ડ દ્વારા તેમના સંબંધિત શાળાઓને મોકલવામાં આવશે. આ અંગેની વિગતવાર સૂચનાઓ હવે પછીથી જારી કરાશે. તે ઉપરાંત, ગુણચકાસણી, દફતર ચકાસણી, નામમાં સુધારા, ગુણતૂટ અસ્વીકાર અથવા રી-એપિયર માટેની પ્રક્રિયા અંગેનું પરિપત્ર પણ નજીકના સમયમાં પ્રસિદ્ધ કરાશે.
પરિણામ જાહેર કરવાની પ્રક્રિયા સરળ અને ડિજિટલ:
GSEB દ્વારા પરિણામ ઓનલાઈન અને વોટ્સએપ જેવી સરળ પદ્ધતિઓથી ઉપલબ્ધ કરાવવાનું મહત્વનું પગલું લીધું છે, જે વિદ્યાર્થીઓને ઝડપી અને સરળ પરિણામ મેળવી શકે તે માટે છે. ખાસ કરીને રીપીટર અને ખાનગી ઉમેદવારો માટે આ પ્રક્રિયા વધુ સારો પ્રતિસાદ આપનારી રહી છે.
વિદ્યાર્થીઓને આગ્રહ છે કે તેઓ તેમના સ્કૂલથી અથવા બોર્ડની વેબસાઇટ અને અધિકૃત સૂત્રો પરથી જ પ્રમાણભૂત માહિતી પ્રાપ્ત કરે.
