હાલમાં અમદાવાદ શહેરમાં બાળકો માટે પૂરતી રમતની જગ્યાઓ ઉપલબ્ધ નથી. શહેરના વિવિધ વિસ્તારોમાં રહેલા બાળકોને મફતમાં રમવા માટે ઊપલબ્ધ પ્લે ગ્રાઉન્ડ ના અભાવે તેમને ખાનગી મેદાનો કે ક્લબોમાં જઇને ચોક્કસ કિંમત ચૂકવીને રમવું પડે છે. રમતો માટેના મેદાનો દૂર હોવાથી પણ ઘણા બાળકો મેદાની રમતોથી દૂર થઇ રહ્યાં છે.
આ સમસ્યાનું તદ્દન સ્થાયી ઉકેલ લાવવા માટે અમદાવાદ મ્યુનિસિપલ કોર્પોરેશન દ્વારા મહત્વપૂર્ણ પગલાં ભરવામાં આવ્યા છે. કોર્પોરેશનના નિર્ણય મુજબ, શહેરના તમામ 7 ઝોનમાં કુલ 26 નવા પ્લે ગ્રાઉન્ડ બનાવવામાં આવશે, જે માટે કુલ રૂ. 27 કરોડના ખર્ચની મંજૂરી આપવામાં આવી છે. હાલમાં મેદાનોની જમીન સમતોલ કરવાની કામગીરી શરૂ થઈ ગઈ છે અને આવતા ચાર મહિનામાં તમામ મેદાનો તૈયાર થઇ જશે.
શ્રેષ્ઠ સુવિધાઓથી સજ્જ પ્લે ગ્રાઉન્ડ :
સ્ટેન્ડિંગ કમિટીના ચેરમેન દેવાંગ દાણીએ જણાવ્યું કે, “આઝના યુગમાં બાળકો મોબાઇલના વ્યસન તરફ વળી રહ્યાં છે, જેને દૂર કરવા માટે મેદાની રમતો જરૂરી છે. આથી, નવો અભિયાન હાથ ધરવામાં આવ્યું છે, જેમાં શહેરમાં 26 પ્લે ગ્રાઉન્ડ સંપૂર્ણ રીતે મફત ઉપયોગ માટે ઉપલબ્ધ થશે. અહીં કોઈપણ પ્રકારના ચાર્જ વગર બાળકો અને યુવાનો રમતો રમી શકશે.”
નવા મેદાનોમાં ક્રિકેટ, ફૂટબોલ અને વોલીબોલ જેવી રમતો માટે અલગ અલગ ઝોન રહેશે. વધુમાં, ચેન્જિંગ રૂમ, 50 લોકો બેસી શકે તેવી બેઠક વ્યવસ્થા, તેમજ પાણી અને વોશરૂમ જેવી આધુનિક સુવિધાઓ પણ ઉપલબ્ધ રહેશે. પ્લે ગ્રાઉન્ડ ને કોર્ડન કરીને સુરક્ષિત બનાવવામાં આવશે જેથી તેનું યોગ્ય સંચાલન અને મેઇન્ટેનન્સ શક્ય બને.
કોર્પોરેશનની ક્રિકેટ લીગની યોજના:
કોર્પોરેશનનું પ્લાનિંગ છે કે આગામી સમયમાં શહેર સ્તરે ક્રિકેટ લીગ શરૂ કરવામાં આવે, જેમાં દરેક વોર્ડમાંથી ટીમો જોડાઈ શકે. આથી શહેરના યુવાનોને તેમની રમતગમતની ક્ષમતા દર્શાવવાનો એક પ્લેટફોર્મ મળશે.
વિશિષ્ટ વિસ્તારોમાં ફાળવાયેલી જમીનો:
નિકોલ-ઓઢવમાં 10 હજાર ચોમીથી વધુ જગ્યા ફાળવાશે
વિસ્તાર જગ્યા (ચો.મી)
સત્યમેવ વિસ્ટા રોડ,ગોતા 4266
સોલાભાગવત રોડ, સોલા 9469
સહજાનંદ બંગલો પાસે, થલતેજ 8092
ચાંદલોડિયા તળાવની પાસે 2157
નિર્મળ પાર્ક પાસે, ઓઢવ 12000
રાજવી એલીજન્સ સામે, નિકોલ 10960
અખબારનગરથી વાડજ વચ્ચે 3288
નારાણપુરા 6048
પાલડી ગામ 3885
વિસ્તાર જગ્યા (ચો.મી)
વિશ્વકર્મા કોલેજ રોડ, ચાંદખેડા 5701
નવા સ્વિમિંગ પુલ સામે, સરખેજ 5752
જલદીપ આઇકોનની બાજુમાં 3302
પાંચા લેકની સામે 9095
જોધપુર ગામતળ 1500
ટંકારા રેસિડેન્સી, વટવા 2200
રશ્મિ પર્લ ફ્લેટ, વટવા 1849
નવા નરોડા 3193
પાર્શ્વનાથ ટાઉનશિપ, ઠક્કરનગર 3002
ચેન્જિંગ રૂમ સાથેનું મેદાન
{ 50 લોકો બેસી શકે તેવી બેઠક વ્યવસ્થા રહેશે.
{ મેદાનને કોર્ડન કરાશે, જેથી મેદાનો મેઇન્ટેન રહી શકશે.
{ ચેન્જિંગ રૂમ તૈયાર કરાશે.
{ પાણી-વોશરૂમની સુવિધા.
