નવરાત્રિ 2025 : આ વર્ષે શક્તિની આરાધનાનો પાવન પર્વ નવરાત્રિ 22 સપ્ટેમ્બર, સોમવારથી શરૂ થઈ રહ્યો છે. નવ દિવસ સુધી ચાલનારો આ ઉત્સવ 01 ઓક્ટોબર, બુધવારે સમાપ્ત થશે. આ દરમિયાન ઘટ સ્થાપન અને વિજયા દશમીના શુભ મુહૂર્ત વિશે જ્યોતિષાચાર્ય દ્વારા માહિતી આપવામાં આવી છે.
નવરાત્રિ અને ઘટ સ્થાપન: શુભ મુહૂર્ત
જ્યોતિષાચાર્યએ મત્સ્ય પુરાણનો ઉલ્લેખ કરતાં જણાવ્યું છે કે, રાત્રિ દરમિયાન ઘટ સ્થાપન ન કરવું જોઈએ.
ઘટ ઉત્પથાન અને દશેરા: શુભ સમય
નવરાત્રિનું સમાપન 02 ઓક્ટોબર, ગુરુવાર, આસો વદ 10 ના રોજ થશે. દેવી તંત્ર અને કાલી વિલાસ તંત્ર ગ્રંથ મુજબ, શ્રવણ નક્ષત્રમાં ઘટ ઉત્પથાન કરવું હિતાવહ છે.
ઘટ ઉત્થાપન: સવારે 11:05 થી 12:05 સુધી.
દશેરા એટલે કે વિજયા દશમીનો પર્વ 02 ઓક્ટોબર, ગુરુવારના રોજ ઉજવાશે. આ દિવસે શસ્ત્ર પૂજન અને શુભ ખરીદી માટેના શુભ સમય નીચે મુજબ છે:
શુભ સમય: સવારે 06:30 થી 08:05 અને 11:00 થી 12:45.
વિજય મુહૂર્ત: બપોરે 14:30 થી 15:10 સુધી.
શુભ સમય: બપોરે 14:00 થી 15:30 અને સાંજે 17:00 થી 21:30 સુધી.
જ્યોતિષાચાર્યએ ઉમેર્યું કે, ધાર્મિક વિધિઓ અને પૂજા માટે પરંપરા અને સ્થાનિક માર્ગદર્શનનું પાલન કરવું હંમેશા હિતાવહ છે.
નવરાત્રિ ની વિશેષતા
નવરાત્રિ માં દરરોજ માતાજીના અલગ અલગ સ્વરૂપોની પૂજા કરવામાં આવે છે. પ્રથમ દિવસે શૈલપુત્રી માતાની, ત્યારબાદ બ્રહ્મચારિણી, ચંદ્રઘંટા, કુષ્માંડા, સ્કંદમાતા, કાત્યાયની, કાલરાત્રી, મહાગૌરી અને સિદ્ધિદાત્રી માતાની આરાધના થાય છે. ભક્તો વ્રત, જાગરણ, આરતી અને ગરબાની મહિમાથી માતાની કૃપા મેળવવા પ્રયત્ન કરે છે.
ગુજરાતમાં નવરાત્રિ ના પર્વનું વિશેષ મહત્વ છે. આ નવ દિવસ દરમ્યાન રાજ્યભરમાં નાના–મોટા ગરબા મહોત્સવોનું આયોજન થાય છે. માતાજીના મંદિરોમાં વિશેષ સજાવટ કરવામાં આવે છે અને લાખો શ્રદ્ધાળુઓ માતાની આરાધનામાં તલ્લીન રહે છે.
નવરાત્રિ 2025ના પાવન અવસરે શ્રદ્ધાળુઓએ શુભ મુહૂર્ત મુજબ ઘટ સ્થાપન, પૂજા અને વિધિ કરવી જોઈએ. જ્યોતિષાચાર્યના માર્ગદર્શન મુજબ, દશેરાના દિવસે કરવામાં આવતી ખરીદી, શસ્ત્ર પૂજન અને વિજય મુહૂર્તમાં કરાયેલા કાર્યો જીવનમાં સફળતા અને સમૃદ્ધિ આપે છે. અંતે, દરેક પ્રદેશ અને કુટુંબની પરંપરા પ્રમાણે ધાર્મિક વિધિઓ કરવી એ હંમેશા શ્રેષ્ઠ માનવામાં આવે છે.
વધુ સમાચાર વાંચો :
શનિ જયંતિ 2025: જાણો 26 કે 27 મેમાં શું છે સાચી તારીખ, પૂજા મુહૂર્ત અને વિશેષ મહિમા
https://abplusnews.com/when-is-shani-jayanti-in-2025/
