શાંઘાઈ, દુબઈ અને મુંબઈની ઓળખ ગગનચુંબી ઈમારતો છે. હવે ગુજરાતની આર્થિક રાજધાની અમદાવાદ પણ તે જ દિશામાં વેગથી આગળ વધી રહ્યું છે. છેલ્લા કેટલાક વર્ષોમાં શહેરમાં સ્કાયલાઇન ઝડપથી બદલાઈ રહી છે અને વર્ટિકલ ગ્રોથનો ટ્રેન્ડ ખાસ કરીને પશ્ચિમ વિસ્તારમાં ઝડપથી વધ્યો છે.છેલ્લા ચાર વર્ષમાં 100 મીટર થી વધુ ઊંચાઈ ધરાવતી 31 બિલ્ડીંગને AMC દ્વારા મંજૂરી મળી ચૂકીછે અને ઘણા નવા પ્રોજેક્ટ સ્ક્રુટિની પ્રક્રિયામાં છે.
રાજ્યનું સૌથી ઊંચું બિલ્ડીંગ : નવરત્ન ગ્રુપનો 162 મીટર નો પ્રોજેક્ટ
સેટેલાઇટ પોલીસ સ્ટેશન સામે નવરત્ન ગ્રુપ દ્વારા 38 માળનું અને 162 મીટર ઊંચું મિક્સ યુઝ પ્રોજેક્ટ બનવા જઈ રહ્યું છે, જેને ગુજરાતનું બુર્જ ખલીફા તરીકે પણ ઓળખ આપવામાં આવી રહી છે. અહીં રિટેલ, કોમર્શિયલ અને રેસિડેન્શિયલ ત્રણેય સેગમેન્ટ એક સાથે ઉપલબ્ધ થશે.
નવરત્ન ગ્રુપના એમડી પ્રણવ શાહ જણાવે છે:
“જમીનના વધતા ભાવ અને મોટા રોડ પરની ડિમાન્ડને કારણે હાઈરાઇઝ બિલ્ડીંગનો ટ્રેન્ડ વધી રહ્યો છે. લોકો હવે ઊંચાઈ પર રહેવાની વધતી પસંદગી બતાવી રહ્યા છે.”
SG હાઇવે — સૌથી વધુ ટોલ બિલ્ડિંગનું કેન્દ્ર
સિંધુભવન, આંબલી, થલતેજ, બોપલ અને શીલજ જેવા વિસ્તારમાં સૌથી વધુ વિકાસ થઈ રહ્યો છે.
-
ટાઇટેનિયમ વર્લ્ડ સેન્ટર — 41 માળ, 145 મીટર
-
નિરમા કોર્પોરેટ હાઉસ — 145.7 મીટર
સાયન્સ સિટી, ગોતા અને રિંગરોડ કોરિડોરમાં પણ મોટા પ્રમાણમાં હાઇરાઇઝ પ્રોજેક્ટ ચાલી રહ્યા છે.
CREDAI અમદાવાદ સેક્રેટરી અંકુર દેસાઈ મુજબ:
“અમૃત સરોવર, મેટ્રો અને BRTSની કનેક્ટિવિટી વધવાથી આ વિસ્તારમાં કોમર્શિયલ–રેસિડેન્ટ ડિમાન્ડ બંને વધી છે.”
FSI વધતા અને પોલિસી સપોર્ટથી ઊંચાઈ વધવાની ગતિ તેજ
નવી ટોલ બિલ્ડિંગ પોલિસી મુજબ:
-
70 મીટરથી વધુ બિલ્ડીંગે 5.4 FSI સુધીની મંજૂરી
-
મિનિમમ 2500 થી 3500 સ્ક્વેર મીટર પ્લોટ ફરજિયાત
-
45 માળ સુધીના પ્રોજેક્ટ્સને ફાયર અને STCની સ્પેશિયલ મંજૂરી જરૂરી
સ્ટેન્ડિંગ કમિટીના ચેરમેન દેવાંગ દાણીએ કહ્યું:
“હેરિટેજ સિટી રહેલું અમદાવાદ હવે સ્કાય સિટી તરીકે ઓળખાય તેવા દિવસ દૂર નથી.”
ઓલિમ્પિક–કોમનવેલ્થના કારણે વર્ટિકલ ગ્રોથ વધશે
રાજ્ય સરકારે 150+ મીટર ઉંચાઈ માટેની અરજીઓને પ્રાથમિકતા આપવા શરૂ કરી છે. મોટા ઇવેન્ટ્સને ધ્યાનમાં રાખી ઇન્ફ્રાસ્ટ્રક્ચર અપગ્રેડ પર ભાર છે.
નોપ્રોપ કન્સલ્ટન્ટ નીતેશ શાહ મુજબ:
“હાઇરાઇઝ પ્રોજેક્ટમાં ખર્ચ 30% વધારે પડે છે, પણ લાંબા ગાળે રિટર્ન્સ વધુ હોવાથી બિલ્ડરો આ તરફ વળી રહ્યાં છે.”
રિયલ એસ્ટેટમાં બુલિશ મૂડ : નવરાત્રિમાં જ 2600+ મકાનની વેચાણ એન્ટ્રી
છેલ્લા તહેવારોમાં મિલકત દસ્તાવેજોમાં 54.18 કરોડનો વધારો નોંધાયો છે — જે શહેરમાં રિયલ એસ્ટેટની booming demand પ્રદર્શિત કરે છે.
મુંબઈને ટક્કર આપવા અમદાવાદ તૈયાર
મુંબઈની જેમ સ્કાયલાઇન ઊભી કરવાની દિશામાં અમદાવાદ દિન પ્રતિદિન આગળ વધી રહ્યું છે. SG હાઇવે થી લઈને ગોતા–થલતેજ સુધી 45 થી 60 માળના પ્રોજેક્ટ આવતા સમયગાળા માં જોવા મળશે.
વધુ સમાચાર વાંચો :
CAR-T સેલ થેરેપીથી બ્લડ કેન્સરનો ઇલાજ હવે ગુજરાતમાં જ શક્ય
https://abplusnews.com/treatment-of-blood-cancer-with-car-t-cell/
