ગાંધીનગર: શહેરમાં બેફામ ગતિએ દોડતી ટ્રકોના કારણે એક જ દિવસમાં બે ગંભીર અકસ્માતો બની, જેમાં બે નિર્દોષ લોકોનાં મોત નિપજ્યાં. આ ઘટનાઓએ શહેરમાં ભારે શોક અને રોષની લાગણી ફેલાવી છે.
પ્રથમ ઘટના: સેક્ટર-25 હિલવૂડ સ્કૂલ પાસે ગુરુવારે બપોરે 1:37 કલાકે એક ટ્રક (GJ18BT2756)એ એક્ટિવાને ટક્કર મારતાં કનુભાઈ રાવલનું તેમની 11 વર્ષીય પૌત્રી નવ્યાની નજર સામે મોત નિપજ્યું હતું. કનુભાઈ દરરોજની જેમ તેમની પૌત્રીને સ્કૂલેથી લેવા ગયા હતા, ત્યારે બેદરકારીથી હંકારવામાં આવેલી ટ્રકે તેમના એક્ટિવાને ટક્કર મારી હતી.
અકસ્માત બાદ ટ્રક ચાલક વાહન મૂકીને ફરાર થઈ ગયો. ગંભીર ઈજાગ્રસ્ત કનુભાઈને સિવિલ હોસ્પિટલ ખસેડવામાં આવ્યા હતા, જ્યાં ફરજ પરના તબીબે તેમને મૃત જાહેર કર્યા.
બીજી ઘટના: આ જ દિવસે ગાંધીનગર માં ગ-5 સર્કલ પાસે એક અન્ય ટ્રકે એક્ટિવાને ટક્કર મારતાં ચાંદખેડાની તરુણાબેન પ્રજાપતિનું તેમની દીકરી રુચિતાની સામે જ કરુણ મોત નિપજ્યું. આ ઘટના પણ પરિવારની હાજરીમાં જ બની હતી, જે વધુ દુખદ બની ગઈ.
પોલીસ તપાસ અને કાર્યવાહી: સેક્ટર-21 પોલીસે બંને ઘટનાઓમાં ગુનો નોંધી તપાસ શરૂ કરી છે. શહેરમાં વારંવાર બનતા આવા અકસ્માતોને કારણે સ્થાનિકોએ બેફામ ગતિએ દોડતી ટ્રકો સામે કડક કાર્યવાહી કરવાની માંગ ઉઠાવી છે.
સમાજમાં પ્રતિક્રિયા: આ અચાનક બનેલ દુર્ઘટનાઓએ સમગ્ર શહેરમાં ચકચાર મચાવી છે. આ પ્રકારની બેદરકારી સામે તંત્ર દ્વારા કડક પગલાં ભરવા માટે લોકો સુચના આપી રહ્યા છે.
આ કેસની વધુ તપાસ ચાલુ છે અને આરોપી ડ્રાઈવરો સામે કાનૂની પગલાં લેવામાં આવશે.
વધુ સમાચાર વાંચો :
નરોડા પાટિયા વિસ્તારમાં મોડી રાત્રે હૃદયદ્રાવક હત્યાની ઘટના
https://abplusnews.com/heartbreaking-murder-incident-in-naroda/
માસુમની હત્યા l Mehsana – Gandhinagar લિંક રોડ પરથી 3 વર્ષની બાળકીની હત્યા કરાયેલી લાશ મળી
https://www.youtube.com/watch?v=a4lpHKE9h90
